網友評論：
- 其實佢地個妝唔好咁濃既話都ok既…仲有d咬字注意下會好啲
- 歌好聽,佢地個樣就........
- 其實佢地本身就幾好 5駛跟韓風
- 好過咩Q FAITH千9幾倍 = ='
- 歌係的確幾好聽，但係mv可唔可以有創意啲，香港係時候換下新風格啦
相關新聞：
「MK風」愈吹愈烈，都係多得呢隊狂抄韓風嘅新男子組合「天堂鳥」(唔係「新男子」，而係新嘅男子組合)嘅出現，嗰首kai到無極限嘅新MV《登陸太陽》，被冠以「MK-POP」之名，大可與fb早前熱捧嘅MK文學一較高下。不過有網民發現佢首《登陸太陽》，副歌似足日本尊尼事務所、旗下7人男子組合「Kis-my-ft2」嘅一首舊歌《We never give up!》，唔止，原來仲抄埋日本AV女組合「惠比壽麝香葡萄」嘅一首歌《スプリングホリデー》，真係令人聽到頭已側，更離奇仲係，今次MV為佢哋排舞嘅，竟然係舞台王者個排舞老師Sunny Wong。
未完。有blogger發現，原來呢隻天堂鳥，其實唔係產自MK，而係強國(即內地)製作公司搵香港人做包裝，嚴格而言，天堂鳥唔可以代表MK文化。雖然，佢首《登陸太陽》MV排舞老師係Sunny，填詞嘅係林若寧……
筆者「獨樂樂」於其著作中表明:「天堂鳥背後的創富文化集團是入侵香港娛樂產業的紅資機構，他們借香港地址入市，在香港培植藝人，以『本土音樂』自居，用『本地製作』等衍詞誤導香港人，一來要將罪責轉移到香港人身上，令香港人對自己的流行音樂失去信心，為香港的本土製作感到自卑，二來是要以『香港音樂』為名輸出大陸文化，幫香港流行文化洗牌，繼而在香港實行文化殖民。」講得好得人驚……
其實呢間「創富文化集團」老闆，名莊戰，93年入咗TVB打工，一做就做10年。及後創立金融公司「創富環球」，另外又持有一間光學產品公司「三維實業」，更涉足舞台製作、地產、保險、旅遊、移民等業務。石修亦係呢個「3D晶固納米車膜產品」代言人添。
根據資料，呢間「創富環球」金主神秘，下年主板上市。再睇下呢間公司有乜嘢藝人，得四「組」藝人，一個是杭州人，叫孟丹玨，曾任模特兒及內地電視節目主持人；另一個係陝西人，叫夏青，仲有信念樂隊——The Faith，由內地人組成，但自稱係「香港樂隊」，聲稱「發源並立足於香港」。最後就係「天堂鳥」，以三個香港人做包裝。
呢間疑似係紅資機構，集團網站自我介紹通篇都係嗰啲字眼，不必細舉。原來天堂鳥都曾經為民建聯中西區支部舉辦嘅「繽紛元宵樂堅城」活動演出。其實唔止，睇佢哋個網站，旗下藝人出席嘅活動，大多都是唱中國國慶、回歸之類嘅歌舞昇平歌功頌德，真係幾「紅」下。
「獨樂樂」擔心，呢類疑似紅資機構會嚟個「文化殖民」全面滲透，加上其「金主」資金雄厚，入主香港娛樂市場、以資金主導大市，都唔係天方夜譚。是否過慮就未知，但可以肯定嘅係，天堂鳥唔可以代表MK囉。
其實講到MK-POP，點可以唔提E-kids呢？就連中堅成員Tommy仔阮民安話:「是咁的，最近一口氣有幾隊三人男子組合同時間推出mv(我唔用入行嚟形容，因為可能未入到去度門就閂咗)，有冇人可以話我知究竟係咪橋嚟？」
新聞來源：娛樂蘋台 | 【短片】【 唔係MK！】天堂鳥來自神秘集團 疑有紅色背景
